مشتاقلك بالحيل وينك ؟
اناديك..
صوتي عجز ﻻ?يوصلك وانت غايب!
يامالك هالقلب
والروح بيديك
ياكل هالعالم
وياكل القرايب
يااجمل شقا
شافته عين مغليك
يا اصدق سعاده في زمان العجايب
يا احلى موده عشتها
دون تشكيك
يانبض عمري
يااعز الحبايب
في غيبتك
-كل البشر-
ماتساويك
مااحد مسلي خافق
فيك ذايب
كلن سأل محتار
وشفيك؟
وشفيك؟
وشفيه قلبك
من هنا العمر طايب؟
مادروا ان الفرح
ملك اياديك
والروح
-من فرقاك-
راحت ذهايب!
يرضيك هذا الحال
ياشوق
يرضيك؟
توقد لك الذكرى
بصدري لهايب..
حيران فكري
بين هذي وهذيك..
نسيتني
وصار الرجا فيك خايب؟
وﻻ?مثل ما اشقاني البعد مشقيك؟
ومثل دمعي السكاب
دمعك سكايب؟
ارجيك
ثم ارجع ارجيك
وارجيك
ﻻ?تطول الغيبه
واعود الترايب!
ﻻ?تقطعه وصلك..
واعود..
اناديك..
صوتي عجز ﻻ?يوصلك وانت
غايب؟!!



lajhrg; fhgpdg ,dk; ?